Gott að eiga sér leiksvið...
Kúrbíturinn er á leið til Mílanó á nýjan leik. Það er ekki borgin sem kallar’ann, borgin ein og sér er dauð. Það er fólkið sem glæðir lífi í borgina. Hús, götur og torg. Borgin er leiksviðið, fólkið eru leikendurnir og allt iðar af lífi.

Það er gott eiga sér sitt eigið leiksvið í framandi landi. Hér og þar, hingað og þangað. Komast burt eða mögulega aftur heim. Ólíkar áherslur, áhrif og tíðarandi.

Njóta og mergsjúga alveg í botn...

Að eiga sér sögu á allt öðrum stað...
Mílanó skal vonandi fljótt verða áfangastaður í lífi Kúrbítsins þar sem minningarnar flæða um stræti og torg. Það er einhvern veginn svo skemmtilegt að eiga sér sögu á öðrum stað, langt í burtu. Hér er um að ræða sögu Kúrbítsins á allan hátt, frá upphafi til enda. Í þessari sögu hafa verið margar sögupersónur, margt átti sér stað og sumt hefði aldrei átt að eiga sér stað. Kúrbíturinn lék að sjáflfögðu aðalhlutverkið með fullt af stórkostlegum aukapersónum sem léku misstór hlutverk í mislangan tíma.

Persónur og leikendur hafa flestir yfirgefið borgina, skrifa nýjar sögur á allt öðrum stöðum...

Myndfestar minningar...
Hægt er að nálgast nokkrar myndfestar minningar frá Rómarferð Kúrbítsins í nóvember 2006 með því að ýta hér.

Farinn í ferðalag...
Það er eftirvænting í loftinu, spenna í maganum og mikil tilhlökkun.

Kúrbíturinn er á leið til Barcelona yfir helgina...

Íslenskur saltfiskur á Ítalíu...
Kúrbíturinn skellti sér út að borða í gærkvöldi á skemmtilegum stað, með skemmtilegu fólki. Kúrbíturinn gæddi sér á stórkostlegum íslenskum saltfiski matreiddum að hætti hinnar ítölsku þjóðar.

Kvöldið skemmtilegt en allt of stutt að mati Kúrbítsins...

Í nafni ástar og rómantíkur...
Út um alla Mílanóborg eru rósir boðnar til kaups í nafni ástar og rómantíkur. Fullir af ákefð og bjartsýni bjóða rósasölumennirnir varning sinn til sölu. Getur verið þreytandi til lengdar, leiðigjarnt og nokkuð fústrerandi þegar á líður. Þeir koma margir og spyrja oft. Oftar en ekki fá þeir neikvæð svör en þeir halda áfram í góðri trú og spyrja þann næsta. Stundum fá þeir jákvæð svör annars stæðu þeir ekki í þessu. Kúrbíturinn hefur ætíð afþakkað pent, með góðri samvisku og kaupir aldrei.

Eitt kvöldið sat Kúrbíturinn við gluggann sinn. Gerist oft en alls ekki alltaf. Rak augun í einn af rósarsölumönnum koma heim til sín að loknum löngum vinnudegi. Rósabúntið stórt, salan líklega dræm og tekjurnar lágar. Vonsvikinn út í sjálfan sig vegna óuppfylltra væntingar til sjálfs síns um framfleytingu fjölskyldunnar. Margir munnar að metta, börnin svöng og fötin líklega slitin. Samviskubitið hrjáði Kúrbítinn yfir öllum skiptunum sem hann afþakkaði pent, leit undan og hélt sína leið.

Kúrbíturinn mun næst kaupa rós í nafni ástar og rómantíkur...

Skrýtið en samt svo skemmtilegt...
Kúrbíturinn fékk sér í tánna með bróður sínum eitt kvöldið. Ekki einungis í tánna heldur allar tíu. Kúrbíturinn skilur sumt í þessum heimi en ekki næstum því allt.

Kúrbíturinn mun aldrei skilja afhverju bróðir sinn lá þarna í gólfinu...

New York í góðum félagsskap...
Kúrbíturinn fékk freistandi tilboð einn daginn í október. Tilboð sem ekki er hægt að hafna, neita eða færast undan. Tilboðið hljóðaði upp á ferð til New York í góðum félagsskap.

Kúrbíturinn fór, kom aftur og skemmti sér vel.

Hægt er að skoða nokkrar myndir hér...

Myndfestar minningar...
Kúrbíturinn hefur alið manninn í Mílanóborg undanfarinn mánuð sér til mikillar ánægju.

Nokkrar myndfestar minningar er hægt að nálgast hér...

Nokkur lykilorð...
Milano-London-New York, JFK Airport, Gershwin Hotel, Madras Mahal, Burger Joint, 28 Street Coffee, American Wedding, Fifth Avenue, Gham Mi Oak, Soho, Greenwich Village, Samuel Adams, Gin & Tonic, Planet Tailand, Brooklyn, Williamsburg, World Trade Center, Brooklyn Lager, Saigon Grill...

Flórens í nýju ljósi...
Það var fyrir nokkrum árum að Kúrbíturinn heimsótti Flórens. Upplifunin skrýtin og dálítið fústrerandi. Lifði ekki sterkt og fremur illa í minningunni. Lengi hefur Kúrbíturinn viljað gefa borginni annað tækifæri. Tækifæri til þess að sýna sig og sanna. Kúrbíturinn lét verða af því um síðustu helgi. Flórens nýtti tækifærið og stóðst prófið með ágætiseinkunn.

Flórens bauð upp á allt og svo ótal margt. Sögu, fegurð, mat, vín og skemmtilegan félagsskap...

Vængjuð orð...
“Í Flórens hafa fjöldamargir ferðalangar gist,
og hvergi hærri klukknaturn og hvergi meiri list
Þar anga blóm, þar blikar vín, það besta er jörðin á,
og þarna er litla Lapí sem er listamannakrá”

Davíð Stefánsson

Hæfileikamaður...
Kúrbítnum finnst stórkostlegt að þekkja hæfileikafólk. Fólk sem gefur af sér, bæði í anda og efni. Sæþór er í hóp þessa hæfileikafólks.

Sæþór hefur opnað sinn eigin heim sem hægt er að skoða hér...

Gengur ekki...
Á undanförnum vikum hefur Kúrbíturinn lent í miklum hremmingum. Lífsreynslu sem hefur fengið hann til þess að hugsa sinn gang. Einhvern veginn þörf á gagnrýnni sjálfskoðun, breyta af leið og umbylta öllu.

Kúrbíturinn er ekki 36 ára eins og svo margir halda...

Ferðasaga gærkvöldsins í lykilorðum...
Reykjavík, Keflavík, London, Bergamo, Mílanó, Pizza, Crudo, Grana Padano, Vino Rosso, Caffé, Via Passeroni, Corso di Porta Ticinese, Trattoria Toscana, Mojito, Via Ripa, Vino Bianco, Piadine...

Lykilfólk gærkvöldsins...
Björgvin, Egill, Biggi, Massimiliano, Maria, Valerie, Jim, Fabio, Masako, Marta, Blandine...

Kóngurinn ríkir enn...
Götuhorn Mílanóborgar eru leikvellir fólksins, mælti eitt sinn Kúrbíturinn. Þar safnast fólkið saman og ræðir lífið og tilveruna. Allar götur hafa horn og þar er Via Passeroni engin undantekning. Vinsælt horn með kaffihúsi og góðri stétt. Oft margt um manninn, konuna og börnin. Allir koma og fara, staldra stutt en stundum lengi. Einn er þar alltaf og fer hvergi. Hann er kóngur í ríki sínu og ríkið hans er hornið. Kóngurinn þekkir alla og allir þekkja kónginn. Kúrbíturinn er einn af þessum öllum.

Allir ættu að vera kóngar en ríkin yrðu að sjálfsögðu mismunandi stór...

Nýtt símanúmer...
Kúrbíturinn er kominn með nýtt númer sem hann verður með næstu tvær vikurnar.

0039-3331178382...

Vængjuð orð...
“Loneliness is a good thing to share with somebody”

Coach úr Staupasteini

Nánasta framtíð Kúrbítsins...
Mílanó 2.okt., Flórens 7-9.okt., Hamborg 12-16.okt., Barcelona 9-13.nóv., Róm 22-28.nóv., Berlin 28-01.des., Reykjavík ??.des...

Lykilfólk í nánustu framtíð...
Egill, Björgvin, Valerie, Massimiliano, Lilja, Maria, Masako, Uzo, Hjördís, Smári, Fabio, Dóri, Benni, Ellen, Cristina, Nadine, Sturla, Ásta, Luciano, Jim, Lucia, Maja...

Leggur land undir fót...
Nú er sumrinu lokið á Íslandi en næsta nálgast óðfluga. Sumarið hefst að nýju hjá Kúrbítnum 2. október 2006. Kúrbíturinn mun upplifa nýtt sumar í öðrum löndum en sömu heimsálfu. Mílanó verður heimahöfnin og unnið sig út frá henni.

Barcelona, Hamborg, Flórens, London og Róm eru borgir sem munu njóta nærveru Kúrbítsins...

Lítið hljóð, enginn texti...
Glugginn er sjónvarp Kúrbítsins í íbúðinni hans í Mílanó. Ein stöð og einn þáttur. Allan daginn, hvern einasta dag. Raunveruleikaþáttur um daglegt líf sex ítalskra fjölskyldna. Sorg og gleði, harmur og hamingja.

Yndisleg sápa með misgóðum persónum. Auðvelt að hætta að horfa í nokkra mánuði, missir ekki af einu og ekkert hefur gerst. Mögulega lífið í hnotskurn.

Eitt sinn um hábjartan dag var gróf kynlífssena í þættinum. Líklega framhjáhald í felum fyrir vinnusamri eiginkonu. Engin tilkynning um að efnið væri bönnuð börnum innan átján ára.

Lítið hljóð er gallinn við þáttinn og íslenskur texti ekki í boði...

Gott að eiga hreiður...
Heima eða að heiman, skiptir ekki máli. Alltaf gott að eiga hreiður. Hér eða þar. Spurning um að flýja, komast burt eða aftur heim. Með sama bakgrunn en vera einungis sá eini sem býr yfir hinni einu sönnu vitneskju. Ólíkar áherslur, áhrif og tíðarandi. Setja sig í stellingar fyrir komandi átök. Njóta og mergsjúga alveg í botn.

Svo er nú það...
Að vera á hestbaki í ósnortinni náttúru er það skemmtilegasta sem Kúrbíturinn gerir...í fötum.