Að hvika hvergi...
Lífið er margbreytilegt, óvænt og óútreiknanlegt. Endalausar aðstæður. Sumar undarlegar, aðrar pínlegar og fáeinar skringilegar. Sumar eru sambland af þessu öllu. Í slíkum aðstæðum er betra að vera ekki á staðnum. Betra að vera flugan á veggnum. Missir ekki af neinu en allir missa af flugunni.

Við sumar aðstæður er óskin heitust að gufa upp, dreifast um andrúmsloftið og safna sér svo saman. Á góðri stund og stað. Með öðrum orðum að flýja af vettvangi og vera fyrir vikið minni maður.

Í slíkum aðstæðum lenti Kúrbíturinn. Hann beit á jaxlinn og fór hvergi.