Nú er nú fokið í flest....Elliði getur ekki setið á sér
Elliði er furðu lostinn, skilur ekki upp né niður og situr á þessa stundina kaffihúsi í Mílanóborg og klórar sér í höfðinu. Hvað liggur á bak við það að kaupa Þorbjörn Atla frá reitaboltafélaginu í Safamýrinni? Er það nú orðið svo hjá stórveldinu að það má ekki einn leikmaður meiðast að þá er hlaupið á eftir hvaða leikmanni sem er með veskið að vopni. Elliði lýst ekki vel á það að vera með framherjapar sem verður staðsett er í útlöndum fram að móti og kemur síðan í maí og ætla að reyna að pota boltanum nokkrum sinnum í mark andstæðinganna. Þess má geta að Elliði er tilbúinn að taka að sér framherjahlutverk hjá félaginu, myndi fljúga í hvern einasta leik og slá í gegn...a.m.k. er nokkuð ljóst að meiðslasaga Elliða er mun styttra en fyrrnefnds Þorbjörns Atla. Þess má geta að í yfirlýsingu frá Fram kom fram að Þorbjörn Atli hafi ekki verið inn í myndinni fyrir komandi tímabil...hefur Fylkir þá virkilega not fyrir sama leikmann.

Þess má geta að Elliði þekkir Þorbjörn Atla ágætlega, veit að hann er góður drengur og óskar honum svo sannarlega góðs gengis hjá nýja félaginu sínu þrátt fyrir að vera að Elliði finnist koma hans til félagsins algjörlega óþörf.

Á undanförnum árum hefur Fylkir verið að gera harða atlögu að Íslandsmeistartitlinum en alltaf vantað einhvern herslumun til að dæmið myndi ganga upp. Elliði er á þeirri skoðun að stundum þurfi að taka eitt skref aftur á bak til þess að taka tvö skref áfram. Þetta hefðu forsvarsmenn Fylkis átt að hafa í huga áður en þeir fóru út í þessi leikmannakaup, staldra við og hugsa málin aðeins lengra. Eins og Elliði hefur áður sagt að það eru að verða ákveðin kynslóðaskipti hjá félaginu, máttarstólpar undanfarinna ára að leggja bráðlega skóna á hilluna og ungir leikmenn eru feta í fótspor þeirra. Þetta tekur tíma, menn verða að sýna þolinmæði og gefa ungu leikmönnunum mikið traust. ÍA hefur á undanförnum áratugum náð góðum árangri á knattspyrnuvellinum en þrátt fyrir það hafa komið tímabil sem ekkert hefur gengið upp. Þá hefur félagið verið að byggja upp, ákveðin kynslóðaskipti í gangi og forsvarsmenn félagsins beðið fullir trúnaðartrausts. Undanfarin ár hafa verið mögur hjá ÍA, ákveðið uppbyggingarstarf í gangi en nú er svo komið að félagið mun svo sannarlega berjast um titilinn á sumri komanda. Þetta verða Fylkismenn að taka sér til fyrirmyndar, treysta ungu leikmönnunum og leggja mikið traust á þá eldri...þannig mun liðið verða skipað skemmtilegri blöndu af eldri og yngri leikmönnum. Þetta er spurning um árangur til framtíðar en ekki að tjalda til einnar nætur.

Elliði er mjög hlynntur því að fá til félagsins sterka leikmenn, leikmenn sem styrkja liðið en ekki leikmenn sem jafngóðir eða verri en þeir sem fyrir eru. Elliði verður að segja það að þessi nýjustu kaup Fylkismanna munu svo sannarlega ekki styrkja lið Fylkis fyrir komandi keppnistímabil.

Elliði skilur ekki hvað forsvarsmönnum félagsins gengur til en grunar að rökin fyrir þessum kaupum sé sú að hann hafi komið frítt og kostar varla krónu. Elliði hlær að þessum rökum, vill frekar byggja á heimamönnum heldur en að fá leikmann sem hefur nánast verið meiddur stanslaust það sem af er þessari öld.

Elliði hefur þá trú að Rúnar sjúkraþjálfari standi bak við þessi kaup, rekstur sjúkraþjálfuninnar er í járnum og mikil þörf fyrir að aukna veltu á næstu misserum.

Elliði er ósáttur við þetta, situr ekki á skoðunum frekar en fyrri daginn og HANANÚ!!!