Lífsnauðsynlegt...
Kúrbíturinn leggur ótrúlega áherslu á fyrsta kaffibolla dagsins. Það er eitthvað ólýsanlegt samband milli Kúrbítsins og fyrsta kaffibolla dagsins, dagblað og hægindastóll setja svo punktinn.

Stórkostleg byrjun á góðum degi...

Góðráð dagsins...
Kúrbíturinn veit um stórkostlegt ráð við þynnku...

...ekki drekka of mikið.

Magnbólga óskast...
Í gegnum tíðina hefur verðbólgan leikið Íslendinga grátt og allt rokið upp úr öllu valdi á örskammri stundu. Kúrbíturinn er búinn að fá sig fullsaddan af henni og óskar eftir annarri tegund af bólgu. Magnbólgu, sérstaklega í rauðvíni. Magn rauðvínsflöskunnar myndi sveiflast frá degi til dags en verðið standa í stað eða lækka á sama tíma. Þannig gæti magn rauðvínsflösku geta orðið 1457 millilítrar í maí á næsta ári en verðið stæði að sjálfsögðu í stað.

Þá væri gaman að lifa...

Ný lausn, stórkostleg lausn...
Kúrbíturinn fékk flugu í höfuðið, nánar tiltekið hugmynd. Mun leysa híbýlisvandræði hans í nánustu framtíð. Það eru fullt til af einhleypum kvenpening sem eiga íbúðir. Kúrbíturinn mun gera hosur grænir, sýna sparihliðina og flytja inn á eina slíka.