Hatrammar skilnaðardeilur...
Kúrbíturinn stendur í miklum skilnaðardeilum þessa dagana, fyrrverandi verðandi maki er hinn deiluaðilinn. Skilnaðurinn átti sér stað fyrir allnokkrum misserum, fórst vel úr hendi og báðir aðilar sáttir við lyktir hans. Tveir plús tveir gera ekki alltaf fimm. Stundum jafnvel minna en vísindin þykjast hafa sannað fyrir heimsbyggðinni.

Skipting auðsins er hnífurinn sem stendur í kúnni. Í deilunni blandast saman veraldlegur auður, tilfinningar, aðgát við náungann og minningar um fortíðina. Rifist er um eignarhald hlutar með mikla fortíð, blendnar tilfinningar og sérstakan smekk.

Hvorugt vill eiga, erfitt að henda og ekki hægt að skila...

Enn án árangurs...
Kúrbíturinn er enn í sífelldri leit að hinni einu sönnu. Leitar án afláts. Í hverjum krók og í hverjum kima. Enn hefur leitin ekki borið árangur.

Þar til þessi eina sanna kemur í leitirnar verður Kúrbíturinn að láta sér þessar röngu að góðu...