Fylkir tapaði í hörkuleik......
Fylkismenn töpuðu sínum fyrsta leik á nýhöfnu keppnistímabili, á móti Þrótti 3-4 eftir að staðan hefði verið 1-0 fyrir Fylki í hálfleik. Mörk Fylkis skoruðu þeir Ólafur Júlíusson, Theódór Óskarsson og Albert Ingason.

Sumt á ekki að breytast........
Þegar Kúrbíturinn var pínulítill dvergkúrbítur, fyrir svona 22 árum síðan, var það fyrsta sem minnti hann á jólin þegar bensínstöðin hjá Hraunbæ 102 setti upp jólatrén sín. Hver bensínstöð setti upp tvö jólatré með gulum og rauðum perum, annað þar sem maður keyrir inn á bensínstöðina og hitt þar sem maður keyrir út. Í dag er þetta allt saman breytt og bensínstöðvarnar búnar að taka upp nýtískulegra jólaskraut, t.d. ljósaseríur vafðar utan um fánastangir. Kúrbíturinn er ósáttur við þessa þróun, þetta var fastur liður í tilverunni og með þessum breytingum hafa bensínstöðvarnar brenglað öllum jólaundirbúningi hjá Kúrbítnum.

Dagbók Kúrbítsins......mánudaginn 17. nóvember
Kúrbíturinn vann til hálfsjö, rölti svo í World Class, hljóp í 30 mínútur og skrapp í Power Yoga tíma. Kvinna Kúrbítsins sótti svo Kúrbítinn, komu þau við á myndbandaleigunni á leiðinni heim og eins og venjulega þá sofnaði Kúrbíturinn þegar myndin var varla hálfnuð. Þessi dagur var kannki ekki sá tíðindamesti en þetta var þrátt fyrir það nokkuð góður dagur.