Í hverju er konan.........
Konan er ekki mætt til vinnu sinnar í dag og hefur Kúrbíturinn áhyggjur af þessu. Kúrbíturinn telur hún sé heima að þvo þvott.....svartir ermalausir bolir í eina þvottavél og gallabuxur í aðra.

Dagbók Kúrbítsins........þriðjudaginn 25. nóvember
Kúrbíturinn er ótrúlegur.....hann fór í spriklhúsið enn á ný í gær. Að spriklinu loknu fór Kúrbíturinn í afmælispizzuveislu til móður sinnar, át gjörsamlega yfir sig og leið næstum því illa á eftir. Kúrbíturinn étur oft algjörlega yfir sig, líður illa út af því, fær samviskubit og er ekki sáttur við sjálfan sig á eftir. Kúrbíturinn þjáist einfaldlega af græðgi, hann vill meira og meira þangað til hann vaggar um eins gríðarstór togari í leit að fengsælum fiskimiðum. En Kúrbítnum finnst þessi græðgi vera góð á meðan á verknaðnum stendur , hann treður sig út af kræsingum og líður vel í nokkrar mínútur. Síðan kemur að því bumban fær nóg, þolir ekki meira og segir stopp. Þá upplifir Kúrbíturinn sársauka sem er eins og karlinn í bumbunni sé að sparka gríðarfast í bumbuna.....innan frá. Að átinu loknu lagðist Kúrbíturinn upp í sófa og horfði á Arsenal gjörsigra Inter Milan, 1-5, á San Síró leikvanginum í Mílanó. Kúrbíturinn var vonsvikinn með þessi úrslit og vonar að AC Milan og Lazio haldi merki Ítalíu á lofti í þessari umferð Meistaradeildarinnar. Eftir leikinn fór Kúrbíturinn með kvinnu sinni í heita pottinn, þau lágu í honum lengi og skemmtu sér vel undir stjörnubjörtum himninum.

Elliði......lausapenni sem skrifar um knattspyrnu.
Elliði sest stundum fyrir framan sjónvarpið, horfir á knattspyrnu og skemmtir sér vel. Hann settist niður í gærkvöldi og horfði á Arsenal gjörsigra Inter Milan á San Síró, 1-5..........sem er náttúrulega algjör hneisa fyrir ítalska knattspyrnu. Á undanförnum vikum hafa ítölsk félög tapað tveimur leikjum á heimavelli á móti enskum liðum, samtals 1-9. Það verður að benda á það til stuðnings ítalskri knattspyrnu að Chelsea og Arsenal eru tvö af þremur bestu liðum Englands en Inter Milan og Lazio eru í hópi 4-7 bestu liða Ítalíu. Það má að mörgu leyti líka liði Inter Milan við enska liðið Liverpool sem er uppáhalds lið margra íslendinga. Hér á eftir verða talin upp nokkur atriði sem styðja þessa líkingu Elliða:
1. Stuðningsmenn beggja þessara liða halda virkilega að þetta séu bestu liðin í heiminum í dag.
2. Hvorki Liverpool né Inter Milan hafa unnið meistartitilinn í sínu landi mörg undanfarin ár.
3. Liverpool og Inter Milan leika nokkuð sterkan varnarleik.
4. Bæði liðin leggja allt sitt traust á einn sterkan framherja........Cristian Vieri og Michael Owen.
5. Liverpool og Inter Milan leika nokkuð sterkan varnarleik.
6. Bæði þessi lið bjóða stuðningsmönnum sínum upp á hundleiðinlega knattspyrnu í hverri einustu viku.

Þegar á heildina er litið þá eru þetta tvö miðlungssterk knattspyrnulið sem mega muna sinn fífil fegri.........og HANANÚ.