Kúrbíturinn er búinn að fá nóg...
Nú finnst Kúrbítnum nóg komið og ætlar virkilega að láta til sín taka. Kúrbíturinn telur að frelsi þegna Hins Kúrbíska Heimsveldis sé orðið of rúmt og kominn tími á það setja lög sem takmarka þetta frelsi. Kúrbíturinn telur að frelsi þegna sinna til að lesa heimsveldið sé of mikið og mun þessum lögum koma í veg fyrir þennan rúma rétt þeirra. Kúrbíturinn hefur ákveðið að haga málsferðinni á þann hátt að lögin verða keyrð í gegn um þing Hins Kúrbíska Heimsveldis á ógnarhraða...munu taka gildi þegar í stað.

Aðalatriði Kúrbítslaganna eru eftirfarandi:

1.gr. Þegnum Hins Kúrbíska Heimsvveldis er ekki leyfilegt að lesa Hið Kúrbíska Heimsveldi á sama tíma og að þeir horfa á sjónvarp.

2.gr. Eigendur markaðsráðandi fyrirtækja mega einungis lesa 5% af því efni sem birtist á Hinu Kúrbíska Heimsveldi.

Lögin munu taka gildi þegar í stað en þeir sem eru með síðu Hins Kúrbíska Heimsveldis opna í mega lesa hana þar til tölvan er endurræst.

Þegnar Hins Kúrbíska Heimsveldis gætu haldið að Kúrbíturinn væri með óráði og væri við það að setjast í helgan stein en það er svo sannarlega ekki staðreyndin...Kúrbíturinn mun ríkja í sínu heimsveldi um ókomna tíð.

Lifi Hið Kúrbíska Heimsveldi...að eilífu.