Hætti við allt saman...
Kúrbíturinn hefur tekið nokkuð mikið af myndum upp á síðkastið, fannst þær vera flottar og var nokkuð stoltur af þeim. Við nánari skoðun þá eru öll þessi nýkomnu aukakíló mjög áberandi á hverri einustu mynd og er Kúrbítur svona sambland af hval og flóðhesti á þessum myndum. Kúrbíturinn hafði í hyggju að setja þessar myndir inn á Hið Kúrbíska Heimsveldi en snarhætti við þá ráðagerð...Kúrbíturinn er í dag er sko sannkölluð fitubolla.

Útskriftin verður í kvöld...
Kúrbíturinn hefur verið á ströngu námskeiði undanfarnar vikur og mánuði, námskeiðið kallast Sjálfsbjörgunarnámskeið fyrir þá sem eru að missa kvinnu sína til Indlands" og hefur hann staðið sig nokkuð vel svona þegar á heildina er litið.

Kúrbíturinn mun sakna kvinna sinnar stórkostlega, hlakkar til að hitta hana á Indlandi i byrjun ágústmánaðar og byrjaður að telja niður dagana.

Kúrbíturinn dýrkar sína kvinnu...