Höfnun allstaðar...
Kúrbíturinn er enn á fullu í leit sinni að draumastarfinu og sótti um eitt slíkt í gær. Kúrbíturinn sótti um starf sem þingmaður fyrir Framsóknarlokkinn án þess að þurfa að sitja í einni einustu nefnd á vegum Alþingis. Þetta starf hefði hentað Kúrbítnum stórkostlega að öllu leyti...engin mætingarskylda, langt sumarfrí og tiltölulega há laun miðað við lítið vinnuframlag. Kúrbíturinn sló á þráðinn til Halldórs Ásgrímssonar í gær og sagði einfaldlega við hann “My name is Kúrbítur and I promise to be agree with you and your friends every time”...Kúrbíturinn skilur ekki ennþá afhverju hann talaði ensku við Halldór. En af einhverjum ótúlegum ástæðum ákvað Halldór Ásgrímsson að hafna Kúrbítnum og bað hann vel að lifa.

Kúrbíturinn er orðinn svolítið andlega aumur eftir alla þessa höfnun sem hann hefur orðið fyrir á undanförnum dögum...honum líður örugglega svipað og Eiríki Tómassyni út hæstaréttarstarfinu sem hann fékk ekki í tvígang. Kúríbíturinn ætlar þrátt fyrir allt þetta mótlæti að halda áfram ótrauður og óskar eftir uppástungum um störf sem koma til greina fyrir hann...stuttur vinnutími og miklir peningar.