Kúrbíturinn féll fyrir einni í Portúgal...
Kúrbíturinn sá þær margar girnilegar í Portúgal, litu þær misvel út, margbreytilegar í laginu, á öllum aldri og verðið fór náttúrulega eftir útliti hverrar fyrir sig. Kúrbíturinn fór á marga staði og áhugasamur skoðaði hann framboðið. Hann var orðinn heitur, iðaði í skinninu og langaði svo sannarlega að skella sér á eina.

Kúrbíturinn kom auga á eina svakalega girnilega, langaði í hana og gjóaði augunum í áttina til hennar í sífellu. Hún leit svakalega vel út, falleg í laginu og heilum áratug eldri en Kúrbíturinn. Kúrbíturinn stóðst varla mátið. Það var einungis verðið sem stóð í Kúrbítnum, 545 evrur fyrir herlegheitin og allt innifalið.

Kúrbíturinn hætti við á síðustu stundu enda kaupir enginn 40 ára gamla púrtvínsflösku á tæpar 50 þúsund krónur ...

Ítalskir fávitar...
Kúrbíturinn varð vitni að því að brjálaðar bullur kastandi áramótablysum, lyklum, regnhlífum og öðrum smáhlutum hversdagsleikans inn á hinn stórfenglega San Síró í Mílanóborg. Tilgangurinn óljós. Getur verið að þessar bullur geti ekkert að þessu gert því þær eru nefnilega svo illa gefnar ... sem sagt foreldravandamál.