Kúrbíturinn er bjargarlaus í Mílanó...
Það er skelfilegt ástand hjá Kúrbítnum, þvottavélin er biluð og Kúrbíturinn er gjörsamlega úrræðalaus. Hreinu fötunum fækkar með hverjum deginum og fer að líða að því að Kúrbíturinn þurfi annaðhvort að láta gera við fjandans þvottavélina eða fara að þvo í höndunum. Þetta eru báðir vondir kostir því það er mikið mál að fá til sín viðgerðarmann hér á Ítalíu og það er náttúrulega enn meira mál fyrir Kúrbítinn að fara að þvo fötin sín í höndunum. Kúrbíturinn kann nefnilega alls ekki að þvo í höndunum, hefur aldrei gert það og hefur aldrei ætlað sér að læra það. En nú er svo komið að Kúrbíturinn á einungis einar hreinar nærbuxur og þarf annað hvort að þvo í höndunum eða kaupa sér nýjar...það getur þó verið dýrt spaug að þurfa alltaf að kaupa sér ný föt þegar hin verða skítug. Kúrbíturinn óskar eftir leiðbeiningum um það hvernig maður þvær í höndunum...eða á hann kannski bara að manna sig upp, hringja í viðgerðarmann og gera við fjandans þvottavélina.