Upp, ofan, niður, neðan...
Eftir langan vetur kemur vor, í dag er komið sumar. Þetta hefur verið erfiður vetur fyrir Kúrbítinn, forsendur breyttar, vonir brostnar og miklar væntingar sem aðeins sumpart gengu upp.

Eitt sinn var Kúrbíturinn annar helmingur af heild en núna er hann einungis heild. Nýjar forsendur, nýtt upphaf. Oft hugsað til baka en einstöku sinnum fram.

Kúrbíturinn kom heim eftir framhaldsnám í skemmtilegri borg, með skemmtilegu fólki, með nýja reynslu og ferskar hugmyndir. Ekki verður á allt kosið, segir í textanum.

Í byrjun október stefnir Kúrbíturinn að leggja land undir fót og ferðast í nokkrar vikur. Innan Evrópu eða utan. Hann þarf á því að halda.

Nokkrir möguleikar hér fyrir neðan:

# Sjálfboðaliðastörf á Indlandi

# Lestarferðalag um Evrópu

# Ítölskunám í Mílanó

Kúrbíturinn óskar eftir hugmyndum að ferðalögum, stórum sem smáum, nær sem fjær, innan sem utan, langt sem skammt.

Það er einfaldlega eitthvað sem togar í Kúrbítinn...